Ангилал: номууд

Зохиогчид: Д.Амартүвшин, В.Батцэнгэл, М.Баянтөр, Г.Бямбахүү, Ч.Заяа, Ч.Наранцэцэг, Н.Одхүү, Л.Оюунчимэг, Р.Ринчинбазар, Д.Энхжаргал

Редактор: В.Батцэнгэл, Р.Ринчинбазар, Б.Чинбат

Хэвлэлийн газар: МУИС Хэвлэлийн Газар

ISBN:  9789919504533

Хэл: Монгол

Хуудасны тоо: 562
Хэмжээ: зөөлөн хавтастай, 250 x 176 х 21 мм

Үнэ: 53000₮

Бидний оршин буй дэлхий ертөнц байгаль (физик орчин), хүн (нийгмийн орчин) гэсэн хоёр үндсэн бүрэлдэхүүн хэсгээс бүрддэг. Ийм учраас газарзүйн ухааныг физик газарзүй (дэлхий судлал), хүмүүний газарзүйн (нийгмийн газарзүй) гэсэн хоёр үндсэн салбарт хуваан авч үздэг. Физик газарзүй нь орчинүеийн нарийн төвөгтэй математик загварууд, геофизик, геохимийн аргуудыг ашиглан газарзүйн мэдээллийн систем, зайнаас тандан судлалын асар их хэмжээний өгөгдлийг боловсруулах замаар хүрээлэн буй орчны төлөв байдал,өөрчлөлтийг судалдаг бол хүмүүний газарзүй нь мөн л орчин цагийн шинжлэх ухааны ололтуудад тулгуурлан хүний ертөнц байгалийн хоорондох уялдаа холбоо, нийгмийн үзэгдэл, үйл явцын орон зайн хуваарилалт, нийгмийн орон зайн зохион байгуулалт буюу дэлхийн янз бүрийн хэсгүүдэд нийгэм, эдийнзасгийн ялгаа хэрхэн бий болж буйг авч үздэг. Монгол хэлээр анх удаа хэвлэгдэж буй Хүмүүний газарзүйн сурах бичиг бүтцийн хувьд дараах бүлгүүдийг агуулж байгаа болно.Газарзүйн тухай ойлголтХүн амын газарзүйУлс төрийн газарзүйСоёлын газарзүйЭдийн засгийн газарзүйХөдөө аж ахуйн газарзүйАж үйлдвэрийн газарзүйҮйлчилгээний газарзүйТээврийн газарзүйХотын газарзүйХөгжлийн газарзүйБайгаль, нийгмийн ухааны чиглэлээр суралцаж буй оюутнуудын ерөнхий суурь боловсрол эзэмшихэд зориулав

Органик хими- II, 2013

Зохиогч: Нанзадын Цэвэгсүрэн , Далантайн Монхообор

ISBN код: 978-99962-3-207-7

Хэл: Монгол

Хуудасны тоо: 474

Жин: 1190 гр

Хэмжээ: зөөлөн хавтастай, 290 x 205 x 25 мм

Үнэ: 32000₮

Шинжлэх ухаан техникийн дэвшил, дэлхийн хүн амын өсөлт, хүний хэрэгцээ шаардлага хязгааргүй нэмэгдэж байгаа өнөө үед хөдөө аж ахуйн үйлдвэрлэлийг органик бордоо, пестицид, тэжээлийн нэмэлтгүйгээр, эрчим хүчний салбарыг органик нүүрс- устөрөгчийн түлш, нүүрсгүйгээр, аж үйлдвэрийн салбарыг полимер материал, органик будаггүйгээр, анагаах ухааныг нийлэг, органик бодис- эмгүйгээр төсөөлөхөд бэрх болжээ. Химигүйгээр хөгжих боломжгүй учраас химийн үйлдвэрлэл, химийн бодисын хэрэглээний хүрээнд түүний эерэг болоод сөрөг талуудыг зөв балансжуулах шаардлага зүй ёсоор тавигдаж байна. Уг сурах бичиг нь нийт 20 бүлгээс бүрдэх бөгөөд оюутны бие даан суралцах нөхцлийг бүрдүүлэх үүднээс бүлэг тус бүрийн төгсгөлд асуулт, бодлого, дасгалуудыг оруулж өгсөн байна.

“ДЭЛХИЙН СОЁЛ ИРГЭНШИЛ”, 2020

Зохиогч: Б.Алтангүл, Б.Арьяажав, Ц.Баттулга, Р.Батсүрэн, Д.Баярсайхан, С.Булгантамир, С.Дэмбэрэл, Б.Дэмбэрэлмаа, Д.Майсүлд, Л.Солонго, Д.Ундрах, Б.Пүрэвсүрэн, Г.Эрдэнэнаран, Д.Энхжаргал, Г.Эрдэнэчимэг

Редактор: Д.Баярсайхан

Хэвлэлийн газар: МУИС Пресс Хэвлэлийн Газар

ISBN: 978-9919-504-29-8

Хэл: Монгол

Хуудасны тоо: 460
Хэмжээ: зөөлөн хавтастай, 250 x 176 х 21 мм

Үнэ: 47.100₮

Хүн төрөлхтний  бүтээн бий болгож, хувирган өөрчилж, устгаж мөхөөсөн олон соёл иргэншлүүд нь дэлхийн түүхийн салшгүй нэг бүрэлдэхүүн хэсэг билээ. Соёл иргэншлийг  ёс суртахуун, шашин, боловсрол, урлаг, гүн ухаан, технологи зэрэг олон ойлголтын цогц нийлэмж ч гэж үзэж болно..

    Өрнө дорнын их сургуулиудад баримталдаг жишгийн дагуу хийгээд түүхийн он цагийн хэлхээг баримтлан, соёл иргэншлийн үечлэлийг үндэслэн бичсэн энэхүү сурах бичигт “соёл иргэншил” (civilization) хэмээх ойлголтыг хамгийн өргөн, түгээмэл агуулгаар буюу тодорхой нийгэм, соёлын олонлогийн бүтээж бий болгосон, хүн төрөлхтний биет болон биет бус соёлын өв санд хувь нэмэр оруулсан ёс суртахуун, шашин, боловсрол, урлаг, гүн ухаан, технологи, материаллаг баялаг, шинжлэх ухааны мэдлэг зэрэг оюуны болон эдийн соёлын бүрдлийг хамтатган багтааж өгүүлэхийг зорилоо.

“ХЭЛ ЭЗЭМШИХ ОНОЛ АРГА ЗҮЙ”, 2020

Зохиогч: Д.Сайнбилигт, Б.Мөнгөнцэцэг, Л.Солонго, Г.Бат-Учрал, Б.Анхбаяр, М.Чаминцэцэг

Редактор: Д.Сайнбилигт

Хэвлэлийн газар: МУИС Пресс Хэвлэлийн Газар

ISBN: 978-9919-504-28-1

Хэл: Монгол

Хуудасны тоо: 471

Хэмжээ: зөөлөн хавтастай, 250 x 176 х 21 мм

Үнэ: 33.000₮

Хүн төрөлхтний түүх, соёл иргэншил, мөн чанарыг хэлгүйгээр төсөөлөх аргагүй. Хүн хаана ямар ч нөхцөлд, хэдүүлээ ч байсан хоорондоо хэл авалцан ойлголцож, харилцаж чадна. Энэ гайхалтай чадварыг бид хэрхэн эзэмшиж, уламжлан дамжуулдаг вэ? Хэл яриа хүний хөгжилд ямар нөлөөтэй вэ? Бид хэлгүй байсан бол ямар байдалтай байх бол? гэх мэт олон асуулт хариултаа нэхсээр, эрдэмтэн судлаачид эдгээр асуултын заримд нь тодорхой хэмжээнд хариулт өгсөөр байна.

Энэхүү сурах бичигт бихевиоризм, нативист онол, когнитивизм, конструктивизмын онол чиглэлийн хүрээнд хэл шинжлэл, тархи мэдрэл судлал, боловсрол сэтгэл судлал, нийгэм соёл, цахим оюун зэрэг олон салбар шинжлэх ухааны уулзварт хэл эзэмшихүйн холбогдох онол арга зүйг тайлбарлан таниулахын зэрэгцээ, бүлэг тус бүрийн төгсгөлд тухайн сэдэвтэй холбоотой хэлэлцүүлгийн асуулт, үг хэллэг, нэмэлт унших хэрэглэгдэхүүнийг шигтгэж өгснөөр хувиар болон баг хамт олноороо гүнзгийрүүлэн суралцах боломжийг бүрдүүллээ. 

Та бүхэн МУИС-ийн эрдэмтэн багш нарын хамтын бүтээлээр дамжуулан эх хэл болон хоёрдогч хэл сурч эзэмших нарийн төвөгтэй үйлийн учрыг олж хужрыг тунгаан, “Хэл эзэмшихүй” бол бие хүний оюун тархи хийгээд төлөвшлийн суурь, хөгжлийн түлхүүр, харилцааны гол хөдөлгөгч хүч, өөрийгөө болон өрөөлийг танин мэдэх чухал хэрэглүүр гэдгийг ухаарч, хэлэнд улам шамдан суралцах арга ухаанаа олно хэмээн найднам.  

Зохиогчид: С.Дулам, Г.Нандинбилиг, С.Дашдэжид, Д.Нямдорж, А.Цэнд-Аюуш, М.Энхбаатар

Редактор: Г.Нандинбилиг

Хэвлэлийн газар: МУИС Хэвлэлийн Газар

ISBN: 9789919504120

Хэл: Монгол

Хуудасны тоо: 448
Хэмжээ: зөөлөн хавтастай, 250 x 176 х 21 мм

Үнэ: 41200₮

Монгол соёл, иргэншлийн суурь мэдлэг, нүүдлийн соёл, иргэншлийн орчин үеийн асуудлуудаар хэлэлцүүлэгт хөтөлсөн баялаг санаа сэдэл бүхий ерөнхий агуулгатай.

  “Монгол соёл иргэншил судлал” сурах бичиг нь дараах шинэлэг талуудтай. Үүнд:

•       Монголчуудын байгаль, нийгэм, хүмүүнлэгийн уламжлалт мэдлэг нь “соёл” хэмээх ойлголтоор дамжин иргэншлийн түвшинд хэрхэн илэрч байгааг танин мэдүүлэхийн тулд  монголчуудын оршихуйн үнэ цэн хийгээд үндэсний ижилслийг илтгэх тэмдэг, бэлгэдэл, соёлын дүрүүд хийгээд монгол зан үйл, зан аалиар замжуулан энгийн үг хэллэгээр ойлгомжтой тайлбарлаж, мэдлэгийн уялдаа холбоог бүтэцчилсэн бүдүүвч, хүснэгт, судалгааны гэрэл зургаар баяжуулан таниулсан.
•      Оюутнуудын шүүмжлэлт ба бүтээлч сэтгэлгээг хөгжүүлэх зорилгоор монгол нүүдлийн соёл иргэншлийн асуудлууд болон хүн төрөлхтний соёл иргэншилд монголчуудын оруулсан хувь нэмэр,  дэлхий дахины өмнө тулгамдаад буй асуудлуудыг шийдвэрлэхэд монгол соёлын нөлөө, ололт туршлага юу байж болох зэрэг асуудлуудад танхимын хэлэлцүүлгийг чиглүүлж, дэвшүүлсэн асуудлын хүрээнд хэлэлцэх, мэтгэлцэх чадварыг хөгжүүлсэн.
•      Судалгааны бичвэрийг уншиж ойлгох, монгол соёлын жишээ баримтуудыг задлан шинжилж, тайлан тайлбарлах чадварыг суралцагчдад эзэмшүүлж эхлэх зорилгоор судалгааны үндсэн сэдвийн хүрээнд эх сурвалжийн баримт хийгээд судалгааны тайлал тайлбарыг хөгжүүлсэн эрдэм шинжилгээний жишиг бичвэрээс оруулахын зэрэгцээ танхимын хэлэлцүүлгийн дэд сэдвүүд, оюутны дэлгэрүүлж унших  ном, эрдэм шинжилгээний өгүүллийн жагсаалтыг чиглүүлсэн.
•       Монголчууд нь соёлоороо хэрхэн “ижилсэж”, дэлхийн бусад үндэстнүүдээс соёлоороо хэрхэн “ондоошиж”  байдгийг оюутан ухамсартайгаар танин мэдэж, өөрсдийн соёл хийгээд уламжлалт мэдлэгээ хадгалан хөгжүүлэх, дэлхий нийтэд таниулах үзэл хандлагыг төлөвшүүлэхийг зорьсон