mongolbooks

Ангилал: номууд

  • “ХӨГЖЛИЙН ЭРЭЛД: мал аж ахуй, байгаль хамгаалах салбар дахь хөгжлийн байгууллагын хөндлөнгийн оролцоо” , 2021

    “ХӨГЖЛИЙН ЭРЭЛД: мал аж ахуй, байгаль хамгаалах салбар дахь хөгжлийн байгууллагын хөндлөнгийн оролцоо” , 2021

    Зохиогч: И. Бямбабаатар

    Хэвлэлийн газар: “МУИС ПРЕСС ” хэвлэлийн газар

    ISBN: 978-9919-504-58-8

    Хэл: Монгол

    Хуудасны тоо: 223

    Хэмжээ: зөөлөн хавтастай, 235 х 150 х 11 мм

    Үнэ: 20.000₮

        Тус ном нь үндсэн 3 бүлэг, удиртгал, дүгнэлт гэсэн хэсгээс бүрдэнэ.1-р бүлэгт хөгжлийн хөндлөнгийн оролцооны талаарх онол болон судалгааны тоймыг өгүүлж, Монголд өрнөсөн хөгжлийн талаарх онолын тоймыг танилцуулна. 2-р бүлэгт бэлчээрийн мал аж ахуй салбарт хөгжлийн хөндлөнгийн оролцоо хэрхэн явсныг орон нутагт хэрэгжсэн төсөл, малчдын жишээн дээр судлан хэлэлцэнэ. 3-р бүлэгт хөгжлийн хөндлөнгийн оролцооны хүрээнд хийгдсэн байгалийн нөөцийн менежмент, байгаль хамгааллын асуудлыг авч үзнэ.

  • “Нийгэм-соёлын хүн судлалын үүд” , 2018

    “Нийгэм-соёлын хүн судлалын үүд” , 2018

    Зохиогч: Д. Бум-Очир, Г. Мөнх-Эрдэнэ

    Редактор: С. Дулам, Г. Баттогтох

    Хэвлэлийн газар: “МУИС ПРЕСС” хэвлэлийн газар

    ISBN: 978-99978-58-73-3

    Хэл: Монгол

    Хуудасны тоо: 239

    Хэмжээ: зөөлөн хавтастай, 235 х 155 х 7 мм

    Үнэ: 15.500₮

        Энэ бүтээл нь хүн судлалын ухааны эхэн үеийн хувьслын онолоос эхлээд, одоо сонгодог онол болсон Америкийн культурализм, Их Британийн функционализм, Францын бүтэц зүйн онол, орчин цагийн бэлгэдлийн хүн судлал, Азийн либерализмын онол хүртэлх шинэ шинэ онолын гол төлөөлөгчид , тэдний онолын чиг хандлага, биечилсэн шинжилгээ хийсэн газрууд, бүтээл туурвилуудыг танилцуулсан иж бүрэн мэдээлэл, дүн шинжилгээ бүхий бүтээл юм.

  • “SIRPAFORUM ковид-19 дэлхийн шинэ дэг журам” эрдэм шинжилгээний хурлын эмхэтгэл , 2020

    “SIRPAFORUM ковид-19 дэлхийн шинэ дэг журам” эрдэм шинжилгээний хурлын эмхэтгэл , 2020

    Редактор: С. Баттулга

    Хэвлэлийн газар: “Удам соёл” ХХК

    ISBN: 978-9919-504-44-1

    Хэл: Монгол

    Хуудасны тоо: 538

    Хэмжээ: зөөлөн хавтастай, 245 х 170 х 20 мм

    Үнэ: 25.000₮

        Нийтийн хөл хориотой, онцгой байдлын ийм цаг үед МУИС-ийн Олон улсын харилцаа, нийтийн удирдлагын сургуулиас жил бүр уламжлал болгон зохион байгуулдаг “SIRPA FORUM” үндэсний эрдэм шинжилгээний хурал нь цаг үеийн асуудалтай нийцүүлэн “COVID-19: дэлхийн шинэ дэг журам” сэдвийн дор цахимаар амжилттай зохион байгуулагджээ. Энэхүү форум мэргэжлийн бүх талын оролцоог хангахын зэрэгцээ Монгол улсын гадаад бодлого, улс орны хөгжилд тулгарч буй сорилт, шинэ нөхцөл байдал, цаашдын чиг хандлагын тухай асуудлыг хөндөж, шийдвэрлэх арга зам, санал зөвлөмжийн талаар өргөн хүрээнд хэлэлцүүлэг өрнүүлэн, уг илтгэлийг эмхэтгэж судлаач уншигч олондоо хүргэв.

  • “SIRPA FORUM бүс нутгийн хамтын ажиллагаа ба Монгол улс ” эрдэм шинжилгээний хурлын эмхэтгэл №3 , 2019

    “SIRPA FORUM бүс нутгийн хамтын ажиллагаа ба Монгол улс ” эрдэм шинжилгээний хурлын эмхэтгэл №3 , 2019

    Редактор: С. Баттулга

    Хэвлэлийн газар: “Удам соёл” ХХК

    ISBN: 978-9919-504-20-5

    Хэл: Монгол

    Хуудасны тоо: 566

    Хэмжээ: зөөлөн хавтастай, 245 х 170 х 20 мм

    Үнэ: 25.000₮

        МУИС-ийн Олон улсын харилцаа, нийтийн удирдлагын сургууль нь ээлжит SIRPA FORUM III улсын эрдэм шинжилгээний хурлыг 2019 оны 12 дугаар сард “Бүс нутгийн хамтын ажиллагаа , Монгол улс” сэдвийн дор амжилттай зохион байгуулагдлаа. Энэхүү хурлаар хоёр хөрш, гуравдагч хөрш, бүс нутаг болон Монгол улсын гадаад бодлого, аюулгүй байдал, эдийн засаг, нийгмийн харилцаа, нийтийн удирдлагын хөгжлийн тухай асуудлуудыг хөндөж, энэ хүрээнд тулгамдаж буй асуудал, шийдвэрлэх арга зам, санал зөвлөмжийн талаар өргөн хүрээнд хэлэлцжээ. Түүнд хэлэлцсэн илтгэлийг эмхэтгэн уншигч олондоо хүргэв.

  • “Аюулгүй байдлын тулгуур асуудлууд” , 2019

    “Аюулгүй байдлын тулгуур асуудлууд” , 2019

    Редактор: С. Баттулга

    Хэвлэлийн газар: “Удам соёл” ХХК

    ISBN: 978-999-29-3-797-7

    Хэл: Монгол

    Хуудасны тоо: 392

    Хэмжээ: зөөлөн хавтастай, 205 х 145 х 17 мм

    Үнэ: 15.000₮

        “Аюулгүй байдлын тулгуур асуудлууд” хэмээх энэхүү ном нь Япон Улсын Үндэсний батлан хамгаалахын академийн мэргэжил нэгт багш нарын хамтарч бүтээсэн аюулгүй байдлын сурах бичгүүдийн нэг юм. Уг бүтээлийн хувьд аюулгүй байдлын өргөн хүрээний мэдлэг өгөхөөс илүүтэй чухал гол гэж үзсэн мэдлэг,мэдээллийг бидэнд ойр байгаа бодит жишээгээр олон янзын бодлого үйл ажиллагаатай холбон тайлбарлажээ.

  • “Зүүнгарын газрыг төвшитгөн тогтоосон бодлогын бичиг” , 2020

    “Зүүнгарын газрыг төвшитгөн тогтоосон бодлогын бичиг” , 2020

    Эрхэлсэн: На. Сүхбаатар

    Редактор: Б. Түвшинтөгс, О. Оюунжаргал

    ISBN:  /Өмнөд зохиол: дэвтэр 1-18/ 978-99978-713-7-4

    /Өмнөд зохиол: дэвтэр 19-36/ 978-99978-713-8-1

    /Өмнөд зохиол: дэвтэр 37-54/ 978-99978-713-9-8

    /Жинхэнэ зохиол: дэвтэр 1-18/ 978-9919-9617-0-1

    /Жинхэнэ зохиол: дэвтэр 19-34/ 978-9919-9617-1-8

    /Жинхэнэ зохиол: дэвтэр 35-51/ 978-9919-9617-2-5

    /Жинхэнэ зохиол: дэвтэр 52-68/ 978-9919-9617-3-2

    /Жинхэнэ зохиол: дэвтэр 69-85/ 978-9919-9617-4-9

    /Дараа зохиол: дэвтэр 1-18/ 978-9919-9617-5-6

    /Дараа зохиол: дэвтэр 19-32/ 978-9919-9617-6-3

    Хэл: Монгол

    Хуудасны тоо: 2604 (10 боть)

    Хэмжээ: зөөлөн хавтастай, 250 х 170 х 15 мм

    Үнэ: 241.500₮ (10 боть)

        Түс бүтээл нь Манж Чин улсаас Зүүнгар улстай харилцсан, Зүүнгар улсыг байлдан сөнөөсөн, Зүүнгарын нэг хэсэг болох Хотон аймгийн Манжийг эсэргүүцсэн бослого, түүнийг дарсан зэрэгт Манжийн төрөөс явуулсан бодлого, түүний хэрэгжилтийг он, сар, өдрөөр нэг бүрчлэн бичсэн Манжийн төрийн албан түүхийн зохиол бөгөөд 1700 оны 7 сараас 1765 оны 11 сарын 19 хүртэлх 65 жилийн түүхэн хэрэг явдлыг багтаасан нийт 172 дэвтэр юм. Манж, хятад хэлээр 1770 онд зохиосон тус сурвалжийг монгол хэлээр, кирилл үсгээр анх удаа орчуулан нийтийн хүртээл болгож байна.

  • “Монгол-Хятад хоёр улсын түүхэн харилцааны он дараалсан лавлах (1949-2014)” , 2021

    “Монгол-Хятад хоёр улсын түүхэн харилцааны он дараалсан лавлах (1949-2014)”, 2021


    Редактор: А. Очир, Н. Ганбат, Ли Шэн, Би Аонань

    ISBN: 978-99973-942-7-9

    Хэл: Монгол

    Хуудасны тоо: 564

    Хэмжээ: хатуу хавтастай, 210 х 150 х 25 мм

    Үнэ: 15.000₮

        Энэхүү “Монгол-Хятад хоёр улсын түүхэн харилцааны он дараалсан лавлах” /1949-2014/ нь Монгол-Хятад хоёр улсын сүүлийн 65 жилийн хамтын ажиллагааны түүхийн гол гол үйл явдлыг дэлгэн үзүүлэх, манай хоёр орны харилцааг судлаачид, сонирхогчдод мэдээ материалыг хүргэжээ. Нэмж засварласан хоёрдугаар хэвлэлд эмхэтгэлийг нэг, хоёрдугаар дэвтэр хэмээн дугаарлаж, монгол хэл дээрх баримт мэдээг нэгдүгээр дэвтэр, хятад хэл дээрх баримт мэдээг хоёрдугаар дэвтэр хэмээн дугаарлаж, тус тусад нь эмхэтгэв.

  • “Монгол улсын нутаг дэвсгэр дахь уйгурчуудын археологийн урсгал” , 2019

    “Монгол улсын нутаг дэвсгэр дахь уйгурчуудын археологийн урсгал” , 2019

    Зохиогч: А. Очир, Ц. Одбаатар, Л. Эрдэнэболд, Б. Анхбаяр

    Редактор: Л. Эрдэнэболд

    ISBN: 978-99978-4-533-7

    Хэл: Монгол

    Хуудасны тоо: 307

    Хэмжээ: зөөлөн хавтастай, 297 х 210 х 35 мм

    Үнэ: 18.000

        Уйгурчуудын үлдээсэн археологийн  дурсгалууд монгол нутагт өргөн дэлгэр тархсан агаад өнөөдөр ч шинэ илэрч олдсоор байна. Тэдгээр нь хаад язгууртан болон жирийн иргэдэд зориулсан тахил тайлгын онгон, булш оршуулга, хүн чулуу, хонь чулуу, арслан чулуу, руни, согд, югур, нанхиад бичээст хөшөөд, хот суурины үлдэгдэл, уран барилгын холбогдолт дурсгал, хад чулуун дээр сийлсэн зураг, бичиг зэрэг болно. Энэхүү бүтээлд багтсан Уйгурын археологийн дурсгалуудын судалгаа нь VII-IX зууны үед одоогийн Монгол улсын нутагт төр улсаа төвхнүүлж асан нүүдэлчдийн нийгэм, улс төр, эдийн засаг, гадаад харилцаа, соёлын судалгаанд чухал эх хэрэглэгдэхүүн болно.

  • “Торгууд аман билгийн жишээ” ,

    “Торгууд аман билгийн жишээ” ,

    Эрхэлсэн: Д. Өрнөхдэлгэр, Д. Ганболд, И. Жавхлан

    Редактор: А. Батсуурь, М. Баавдай 

    ISBN: 978-9919-23-188-0

    Хэл: Монгол

    Хуудасны тоо: 224

    Хэмжээ: зөөлөн хавтастай, 250 х 170 х 15 мм

    Үнэ: 20.000₮

    “Аман зохиол, аялгуу судлалын хээрийн дадлага”-аар Ховд аймгийн Булган сумын торгуудуудын дунд 1997, 2017 явж судалсан хээрийн шинжилгээний эх материалд тулгуурлан “Торгууд аман билгийн жишээ” номыг бүтээжээ. Уг номд торгууд хүмүүсийн хэлж ярьсан аман зохиолын төрөл зүйл болох үлгэр домог, дуу, ерөөл магтаал, зүйр цэцэн үг тэргүүтэн орсны дээр аж төрөх ёс, зан үйлийн талаарх аман мэдээнүүд багтсан нь давтагдашгүй үнэ цэнийг агуулж байна.

  • “Захчин аман билгийн жишээ” ,

    “Захчин аман билгийн жишээ” ,


    Эрхэлсэн: Д. Өрнөхдэлгэр

    Редактор: Т. Баясгалан, С. Гантөмөр

    ISBN: 978-9919-21-264-2

    Хэл: Монгол

    Хуудасны тоо: 304

    Хэмжээ: зөөлөн хавтастай, 250 х 170 х 15 мм

    Үнэ: 20.000₮

        Энэхүү ном нь захчин аман зохиол судлалд тун чухал байр суурь эзэлнэ. Захчин түмний дунд зохиогдсон гэдэг нь нэн тодорхой байгаа зарим домог, дуу, ерөөл, магтаал, хууч яриа тэргүүтнийг гарал үүслээр нь энэ овогтонд хамааруулж үзэх боловч захчин аман зохиолын бие даасан уламжлалыг танин мэдэхүйн тулд монгол угсаатны аман зохиолын дотроос туурвилзүйн хувьд ялгарах ямар онцлогтой болохыг тодруулах ажлыг гүйцэтгэхэд “Захчин аман билгийн жишээ” ном чухал хэрэглэгдэхүүн болно.