Монгол улсын үндсэн хууль
ISBN код: 978-99962-68-00-7
Хэл: Монгол
Хуудасны тоо: 34
Жин: 55 гр
Хэмжээ: 205 x 145 x 2 мм
Үнэ: 2500₮
Монгол улсын бүрэн эрхт байдал, Хүний эрх, эрх чөлөө, Монгол улсын төрийн байгуулал, Монгол улсын засаг захиргаа, нутаг дэвсгэрийн нэгж, түүний удирдлага, Монгол улсын үндсэн хуулийн цэц, Монгол улсын үндсэн хуульд нэмэлт, өөрчлөлт оруулах тухай гэсэн Монгол Улсын үндсэн хуулийн 1-6 дугаар бүлэг багтсан байна.
“Түүхэн тэмдэглэл” Хүннүгийн шастир
Хэл: Монгол
Хуудасны тоо: 112
Жин: 250 гр
Хэмжээ: зөөлөн хавтастай, 245 x 175 x 8 мм
дууссан байна
“Түүхэн тэмдэглэл” Хүннүгийн шастир бол Хүннү ястны үүсэн хөгжиж хүчирхэгжин мандсан тухай хамгийн анхны бөгөөд хамгийн бүрэн түүхэн материал болно. Сыма Цянынаас Хүннү хэмээх энэхүү нүүдэлчин ястны газар нутаг, нийгэм ахуй, зан байдал, түүхэн хөгжилтийн явцын тухай нэлээд нарийн тэмдэглэсэн бөгөөд Хүннү болон хажуу хавийн улс гүрний хоорондох харьцааг бас тэмдэглэн үзүүлжээ. Ялангуяа Хүннү болон Хятадын хоорондох хэдэн зуун жилийн үргэлжилсэн дайн байлдаан, үүнд онцгойлон Хүннү болон Хан улсын Лү Дигийн үеийн хаант гүрний зэрэгцээ оршсон байдлыг нарийн тодорхой өгүүлсэн байна.
Нийгэм-соёлын хүн судлалын удиртгал, 2017
Зохиогч: Г.Мөнх-Эрдэнэ, П.Чулуунбат
Редактор: Д.Бум-Очир, Г.Баттогтох
Хэвлэлийн газар: МУИС Пресс Хэвлэлийн Газар
ISBN код: 978-99978-0-214-9
Хэл: Монгол
Хуудасны тоо: 260
Жин: 420 гр
Хэмжээ: зөөлөн хавтастай, 229 x 162 x 12 мм
Үнэ: 12500₮
МУИС-ийн Нийгэм-соёлын антропологийн тэнхимийн (өнөө Антропологи археологийн тэнхим болсон) оюутнуудын хувьд антропологийн талаар эх хэлээрээ унших боломж хомс, ихэнхдээ англи хэлээрх номыг чадан ядан унших нь бэрхшээмээр ажил байдаг. Одоогоор ийн чадан ядан түгдчих нь хэцүү санагдаж болох ч хожим бодвол антропологийн ухаан, англи хэл аль алинд давхар суралцсан ашигтай зүйл байж болох юм. Оюутнууд маань ч энэ “бэрхшээлтэй” тулсаар, давж гарсаар, антропологийн мэдлэг хийгээд хэлний чадвар нь илт дээшилсээр байгаа нь сайн хэрэг. Бидэнд энэ бэрхшээлээс үүдэн “антропологийн сурах бичиг байвал зүгээр биш үү” гэсэн бодол битүүдээ байсан боловч бичих дээрээ тулахаар зориг хүрэхгүй байсаар өнөөг хүрсэн юм. Үнэндээ хэн бүхний санаанд нийцсэн сайн сурах бичиг хэвлэгдэхийг хүлээвэл олон жил болох биз ээ. Магадгүй дахин хүлээж болох ч хэчнээн жил өнгөрч, хэдэн оюутан сурах бичиг гараасай гэж хүсэж байгааг мэдэхгүй тул бүдүүн зориг гарган энэхүү удиртгалыг бичих гэж оролдлоо. Цөөнгүй ч ном ашиглав, их ч зүйл сурав. Алдсан зүйл байгаагийн адилаар оносон юмс ч бий л байх. Хэрэгтэйгээ авч, хэрэггүйгээ гээнэ биз ээ. Монголчуудын хэлдгээр “сайн муу хоёр нийлэн байж сав дүүрдэг” билээ.
Антропологи хэмээн энэ ухаантай хүзүү сээр холбон хэдэн жил болсоных уг ухааныг 
“тодорхойлолтод дургүй ухаан” гэж товч “тодорхойлмоор” байна. Алив асуудлыг хатуу тодорхойлж, нэгэн хүрээ цараанд оруулж байж судалдаг хандлагын үүднээс харвал антропологи “эсэргүү” ухаан болох болов уу. Учир нь уг ухаан салбар дундын шинжтэй тул олон судалгааны салбарын харах өнцөг, нүдний шилийг ашигладаг. Иймээс судалж буй асуудлаа аль болох цогц, бүхэллэг байдлаар нь хардаг учраас хэсэглэж харах боломж үгүй юм. Гэтэл аливааг тодорхойлно гэдэг тэрхүү бүхэллэг, цогц шинжийг үгүйсгэж, нэг талыг барих дутагдалтай байдаг. Гэтэл өнөөх судалж буй асуудлын тодорхойлолтод багтаагүй хэсгийг яах вэ? Тэрхүү асуудал биш гэж үзэх үү? Эсвэл судлах цаг болоогүй гэх үү? Өөр зүйл гэж дахин тодорхойлох уу? Иймээс аливааг тодорхойлох нь давуу талтайгаа адилхан сул талтай юм. Ихэнх тодорхойлолт алив асуудлын ерөнхий, дийлэнх шинжид тулгуурласан байдаг. Гэтэл ерөнхийд багтаагүй энгийн “цөөнх” хэсгийн яах вэ? гэдэг нь чухал асуулт юм. Хүний нийгэм-соёлын алив асуудал нэг хоёр, эсвэл хэдэн тодорхойлолтод багтдаг, шийдэгддэг байсан бол өнөө бид бүхэн ийм олон “асуудал” дунд амьдрахгүй амар ч байх байсан юм бил үү. Тиймээс антропологи судалж буй асуудлынхаа тухай тодорхойлолтуудыг тоймлон бичдэг биш харин тэдгээрийн тухай шүүмж бүтээдэг. Энэ үүднээс үзвэл аливаа зүйлийг судлана гэдэг тухайн асуудлын талаар олон шүүмжийг унших, тэр шүүмж бодитой эсэхийг өөрийн судалгааны эх хэрэглэгдэхүүнээр хянан нягтлах гэж болно.
Гэвч антропологи бүх тодорхойлолтыг үгүйсгэн, утга учир, тодорхой дэглэмгүй “философиддог” биш. Уг ухаан аливаа асуудлыг олж харах өөрийн хүрээ цараа, тодорхой дүрэм байгааг уг бүтээлээс үзэж болно. Мэдээж олон хүрээ цараа, дүрэм журам дурдаж болох ч хамгийн гол нь антропологи аливаа соёлыг “буурай”, “давуу”, “хөгжингүй”, “хоцрогдсон” гэх мэтээр ялган ангилж, хатуу нот хуваадаггүй. Харин “өөр”, “ялгаатай” гэсэн үгсийг ашиглаж, төвийг сахидаг.
Тус бүтээлд антропологийн сурах бичгүүдэд дурдаж буй, чухал гэж үзсэн арван зургаан ерөнхий сэдвийг сонгон багтаалаа. Арван зургаан бүлэг бүр дотор дэд сэдэв буй. Дэд сэдэв бүрт тохирох “монгол” жишээ олж багтаахыг хичээсэн төдийгүй хажууд нь дэлхийн хаа нэгтэй, аль нэг соёлыг судалсан антропологийн судалгааны жишээ ч мөн бий. Антропологич хүний хамгийн үнэтэй, бусад судлаачдаас ялгарах зүйл нь өөрөө оролцон ажиглаж байж олж авсан судалгааны баримт байдаг. Тэрхүү баримтыг энд жишээ болгон оруулсан болно.
Уг ном олон хүний хувьд “мэддэг антропологиос” нь өөр антропологийн тухай байж мэдэх юм. Учир нь Монгол Улсад антропологийн судалгааны сэдэв, хандлага харьцангуй шинэхэн байгаа төдийгүй олон янзын давхар утга илэрхийлж байх шиг байна. Мөн монголын нийгмийн ухаанд нэгэнт хэвшин тогтсон цөөнгүй ойлголтыг дахин нягталж үзсэн хэсгүүд бий. Тэрхүү хэсэг бүрийн мэдээллийн эх сурвалжаа эшлэл, зүүлттэй оруулсан тул илүү дэлгэрэнгүй мэдэхийг хүсвэл тухайн эх бүтээлээс нь лавлан харна уу.
ГЭГЭЭГ ХҮСЭХ, МАНАНД БЭДРЭХ, 2016 Зохиогч: Д.Галбаатар
Редактор: До.Цэнлжав нар
ISBN код: 978-99978-4-103-2
Хэл: Монгол
Хуудасны тоо: 252
Жин: 500 гр
Хэмжээ: хатуу хавтастай, 250 x 177 х 14 мм
Үнэ: 23000₮
Урлаг, утга зохиолтой холбогдсон хүн бүрт зориулсан ярилцлагын ном.
Баруун орны шастир, 2015Зохиогч: Бан Гу
ISBN код: 978-99973-73-48-9
Хэл: Монгол
Хуудасны тоо: 84
Жин: 150 гр
Хэмжээ: зөөлөн хавтастай, 240 x 163 x 5 мм
дууссан байна
Монголын эртний түүхчдийн судалгаанд ус агаар мэт дутагдаж байгаа ажлын нэг бол эртний Хятадын түүхэн бичгийн эх сурвалжуудыг өргөнөөр ашиглах явдал юм. Орчин цагийн Монгол улсын түүхч, археологич нар эртний Хятадын түүхэн бичгийн эх сурвалжуудыг орос, англи, солонгос, япон зэрэг орнуудын судлаач эрдэмтдийн орчуулснаар дам эшлэн ашигласаар өдгөө хүрсэн билээ. Энэ удаад залхуу нанхиадч Ба.Батжаргал эртний Хятадын нэртэй түүхч Ван Гу-гийн бичсэн “Хан улсын түүх. Баруун хязгаарын тэмдэглэл” хэмээх алдарт бүтээлийг монгол хэлнээ орчуулан судлаач нарын мэлмийд өргөн барьж байна. Энэ алдарт бүтээл нь Монголын эртний түүх, тэр дундаа Хүннү, Сяньби, Ухуаньчуудын түүхийг судлах хэн бүхний ширээний ном болох нь дамжиггүй юм.
МОНГОЛ УЛСЫН ҮНДСЭН ХУУЛЬ, 2016Монгол улсын Үндсэн хууль 9 хэлээр.
ISBN код: 978-99973-79-02-3
Хэл: Монгол, англи, орос, франц, герман, япон, хятад, солонгос, казах
Хуудасны тоо: 234
Жин: 400 гр
Хэмжээ: зөөлөн хавтастай, 246 x 173 x 11 мм
Үнэ: 15000₮
Хүүрнэл зохиолыг задлан шинжилж сургахуй, 2016Зохиогч: Ганбаатарын Нандинбилиг
ISBN код: 978-99929-67-79-9
Хэл: Монгол
Хуудасны тоо: 92
Жин: 160 гр
Хэмжээ: зөөлөн хавтастай, 245 x 175 x 5 мм
Үнэ: 15000₮
Бодгаль зохиогчийн намтар хийгээд нууц нэрийг тойрсон сонирхлоос хэмжүүр болон өргөмжлөгдсөн зохиолчдын эгнээг бүтээсэн хуучин төвт судалгааны бичвэрүүд нь “уран бүтээлд туссан зохиогчийн туршлагыг хайх” гэсэн санаанд үндэслэдэг. Энэ нь үнэн хэрэгтээ зохиолын судалгаа гэхээсээ нийгмийн гишүүнийг задлан шинжилсэн харуулж байсан тул чухам энэ хандлагаас зайлсхийсэн судлаачдын бичвэрийн задлан шинжлэл болон хувирчээ.
Бичвэр төвт судалгаа нь эхэн үедээ номын хуудсан дээрх үгс, түүний илэрхийлж буй утгад төвлөрч байснаа аажимдаа уншигчийг бүтээж буй соёлын хам бичвэрүүдэд чиглэх болов. Утга зохиолын бүтээлийг хэлбэржүүлж буй apra хэрэглүүр нь хэлний энгийн хэрэглээнээс онцгой тогтолцоотой судалснаар бичгийн боловсрол олгох сургалтанд нөлөөлсөн юм.
Монголын гадаад бодлого ХХ, ХХI зууны зааг дээр (Үндэсний эрх ашиг ба прагматизм), 2016Зохиогч: Гуудайн Төмөрчулуун
ISBN код: 978-99973-903-8-7
Хэл: Монгол
Хуудасны тоо: 160
Жин: 100 гр
Хэмжээ: зөөлөн хавтастай, 205 x 144 x 10 мм
Үнэ: 18000₮
Монголын гадаад бодлого 20, 21 дүгээр зууны зааг дээр: үндэсний эрх ашиг, прагматизм ном уншигчдын гар дээр очиж байна. 20 дугаар зууны эцэс, 21 дүгээр зууны эхэнд Монголын төр гадаад бодлогодоо өөрийн үндэсний эрх ашгийг дээдэлсэн прагматик бодлого явуулж ирсэн учир шалтгаанаас номоо ийн нэрлэсэн болно.
Гадаад харилцааны бодлого Монгол Улсын оршин тогтнох, хөгжин дэвшихийн нэгэн язгуур хүчин зүйл байсан, цаашид ч байх болно. Энэ утгаараа түүнийг шинжлэх ухааны үндэстэй боловсруулж оновчтой явуулах нөхцөлийг бүх талаар бүрдүүлэх явдал эрдэмтэд, судлаачдын чухал үүрэг байх учиртай.
Хэдхэн жилийн өмнө Монгол Улс Зөвлөлт-Хятадын харилцааны “барьцааны улс” мэт, газар зүйн хувьд Азийн орон мөртлөө улс төр, эдийн засаг зэрэг бараг бүх харилцаа нь ЭЗХТЗ-ийн хүрээнд ЗХУ, Зүүн Европтой холбогдсон орон байлаа. Тэгвэл өнөөдөр Монгол Улс түүхэндээ анх удаа хоёр хөршийн харилцааны хүрээнээс ангижирч, дэлхийн хамтын нийгэмлэгийн бүх гишүүнтэй чөлөөтэй харилцаж, Азийн орныхоо статусыг эргэн сэргээх бололцоотой болов.
XX зууны сүүлчээс хойших асар богино хугацаанд Монгол Улсад өрнөсөн ардчилал, зах зээлд шилжих үйл явцын дүнд лэлхийн нөлөө бүхий томоохон орнууд АНУ, Япон, БНХАУ, ОХУ, ХБНГУ, Өмнөд Солонгос болон Ази Номхон далайн бусад оронтой хэвийн харилцаатай болов. ОУВС, ДБ, АХБ, Европын Холбоо, АСЕАН зэрэг дэлхий нийтийн болон бүс нутгийн чанартай оайгууллагатай харилцаа холбоо тогтоов. Монголд туслах хандивлагч орнуудын бүхэл бүтэн хөдөлгөөн өрнөв. Монгол Улсын гадаад харилцааны бодлогод эргэлтийн чанартай өөрчлөлтүүд “арч, Монгол Улсын олон улсын байр суурь бэхжиж, нэр хүнд нь урьд өмнө байгаагүйгээр дээшлэв.
Монгол улс ба зүүн хойд азийн их гүрнүүд, 2016
Зохиогч: Гуудайн Төмөрчулуун
ISBN код: 978-99973-903-7-0
Хэл: Монгол
Хуудасны тоо: 196
Жин: 245 гр
Хэмжээ: зөөлөн хавтастай, 205 x 145 x 10 мм
Дууссан
Өнгөрсөн хориод жилийн хугацаанд Монголын төрийн бодлого дотроос ганцхан гадаад бодлого, гадаад харилцаа л өөрийн ноён нуруутай, гайхалтай амжилтад хүрсэн салбар болсон, энэ нь одоо ч ийм байгаа. Ийм дүгнэлттэй маргах хүн гарахгүй биз ээ.
Энэ бол 1992 оны Үндсэн хууль, 1994 оны Гадаад бодлогын Үзэл баримтлалын ач тус байлаа. Хоёр хөрштэйгээ тэнцвэртэй шинэлэг харилцаа хөгжүүлж, “гуравдагч хөрш”-ийн үзэл санааг дэвшүүлж, өмнө нь хол хөндий явж ирсэн Ази тив рүү ойртож, олон талт хамтын ажиллагааг чанарын шинэ түвшинд гаргаж, гадаад дахь өөрийн иргэдийн эрх ашгийг хамгаалах тал руу огцом эргэлт хийж, гадаад харилцаагаа эдийн засгийн болон ‘зөөлөн хүч”-ний өнцгөөс харах зарчмын өөрчлөлтүүд хийсэн байна. Гадаад харилцааг олон тулгууртай, нээлттэй болгоход чиглэсэн энэхүү бодлого Монголын олон улсын нэр хүндийг сүүлийн хориод жилд огцом өсгөх үндэс болжээ.
